Саналар
29.03.2024
Баннер
Арслонхон Муҳаммад ибн Сулаймон
PDF Босма E-mail

(?-1130)
(1102-1130)

Қорахонийлардан бўлган Мовароуннаҳр ҳукмдори. Тўлиқ исми Муҳаммад ибн Сулаймон Довуд Кучтегин ибн Тамғачхон Иброҳим. Барқиёруқ вассали Сулаймонтегиннинг ўғли. 1102-йил Самарқанд тахтига Арслонхон унвони билан ўтқазилган. 12 минг мамлукдан иборат қўшин тузиб Дашти Қипчоққа бир неча бор ҳарбий юришлар қилган. Умрининг охирида фалаж бўлиб қолгани туфайли тахтни ўғиллари - дастлаб Наср, сўнг Аҳмад билан бошқарган.
Самарқанд салжуқийлар томонидан эгаллангач (1130-йил 13-март), Арслонхон Балхга жўнатилган ва ўша ерда кўп ўтмай вафот этган. У Марвдаги ўзи қурдирган мадрасага дафн этилган. Арслонхон даврида маданий ҳаёт бирмунча ривожланган. Бухоро ва унинг вилоятида кўплаб бинолар қурилган. Масалан, Жарқўрғон минораси ва Масжиди калон ёнидаги минора ҳозиргача сақланган.

 

Муаллифлар фикри сайт таҳририяти нуқтаи назари билан мос келмаслиги мумкин